Alls greindust 5 einstaklingar með Covid-19 veiruna á Íslandi í gær og voru 3 þeirra ekki í sóttkví. Við landsmærin greindust 18 einstaklingar með Covid-19 smit. Rétt tæplega 800 sýni voru tekin á Íslandi í gær og svipaður fjöldi við landamærin.
Nýgengi smita er í fyrsta sinn frá því í júlí á þessu ári hærra við landamærin. Nýgengi innanlands er nú 18,8 en nýgengi á landamærunum er 21,3.
![](https://skagafrettir.is/wp-content/uploads/2020/09/IMG-6070-1132x670-1-1132x670.jpg)
Miðað við tölur á vefnum covid.is greindist eitt af þessum fimm nýju smitum á Vesturlandi. Alls eru fjórir einstaklingar í einangrun á Vesturlandi vegna Covid-19. Samkvæmt nýjustu tölum frá Lögreglunni á Vesturlandi eru þrúr einstaklingar í einangrun á Vesturlandi en ekki fjórir eins og kemur fram á vefnum covid.is.
Á öllu landinu eru 127 einstaklingar í einangrun vegna Covid-19.
89 þeirra eru á höfuðborgarsvæðinu og 17 á Suðurnesjum.
Langflestir sem eru í einangrun eru á aldrinum 18-29 ára eða alls 50 manns, og næstflestir eru 30-39 ára. Tuttugu einstaklingar eru á sjúkrahúsi eftir að hafa smitast af Covid-19 en enginn er á gjörgæslu þessa stundina.
![](http://localhost:8888/skagafrettir/wp-content/uploads/2021/01/Screen-Shot-2021-01-06-at-11.29.55-AM-1024x780.png)
![](http://localhost:8888/skagafrettir/wp-content/uploads/2021/01/136041950_1952060614943436_6193958870941005579_n.png)
![](http://localhost:8888/skagafrettir/wp-content/uploads/2021/01/135744552_1951336935015804_4195074379549208484_n.png)
![](http://localhost:8888/skagafrettir/wp-content/uploads/2021/01/135284674_1950450901771074_2006892619015025340_n.png)