Kvennalið ÍA landaði frábærum 2-1 sigri í kvöld í 2. umferð Lengjudeildarinnar í knattspyrnu gegn liði Augnabliks á Norðurálsvellinum á Akranesi.
Sigurinn var afar sætur þar sem að sigurmarkið kom á allra síðustu andartökum leiksins gegn sterku liði Augnabliks sem er systurlið Breiðabliks.
![](https://skagafrettir.is/wp-content/uploads/2020/07/ÍA-Völsungur-kvenna-knattspyrna-2020_-143-1132x670.jpg)
Vigdís Lilja Kristjánsdóttir kom liði Augnabliks yfir með góðu langskoti strax á 4. mínútu.
Þannig var staðan í hálfleik. Erla Karitas Jóhannesdóttir jafnaði metin fyrir ÍA með frábæru skoti á 72. mínútu. Lilja Björg Ólafsdóttir skoraði sigurmarkið og tryggði stigin þrjú með stórskemmtilegu marki í uppbótartíma.
Með sigrinum er ÍA í 5. sæti næst efstu deildar með 3 stig eftir tvær umferðir.
![](http://localhost:8888/skagafrettir/wp-content/uploads/2021/05/Screen-Shot-2021-05-12-at-11.15.03-PM-1024x235.png)
![](http://localhost:8888/skagafrettir/wp-content/uploads/2021/05/Screen-Shot-2021-05-12-at-11.16.05-PM.png)
![](http://localhost:8888/skagafrettir/wp-content/uploads/2021/05/Screen-Shot-2021-05-12-at-11.15.38-PM-795x1024.png)
![](http://localhost:8888/skagafrettir/wp-content/uploads/2021/05/Screen-Shot-2021-05-12-at-11.15.49-PM.png)