[sam_zone id=1]

Sylvía keppir á Norðurlandamótinu í grjótglímu



Sylvía Þórðardóttir klifurkona úr ÍA, keppir á Norðurlandamótinu sem fram fer helgina 6.-7. ágúst.

Mótið sem er Norðurlandamót í grjótglímu fer fram í Kaupmannahöfn í Danmörku.

Hún keppir í B-flokki stúlkna en þetta er í annað sinn sem keppandi frá ÍA tekur þátt á Norðurlandamótinu í grjótglímu.

Þetta er frumraun Sylvíu í keppni á erlendri grundu. Alls eru sjö keppendur frá Íslandi og tveir þjálfarar. Faðir Sylvíu, Þórður Sævarsson, er annar af þjálfurum landsliðsins.