[sam_zone id=1]

Kvennalið ÍA mætir liði HK í mikilvægum leik í dag á Norðurálsvelli á Akranesi



Kvennalið ÍA í knattspyrnu tekur í dag á móti HK úr Kópavogi í næst efstu deild, Lengjudeildinni. Leikurinn er afar mikilvægur fyrir bæði liðin sem eru í harðri fallbaráttu í Lengjudeildinni.

ÍA hafði betur gegn HK, 1-0, á útivelli þegar liðin mættust í fyrri umferðinni.

ÍA er með 14 stig í þriðja neðsta sæti eftir 15 leiki en þar fyrir neðan er HK með 12 stig og Augnablik er með 11 stig eftir 16 umferðir.

Leikurinn í dag er lokaleikur 16. umferðar.

ÍA á eftir leiki gegn liði Aftureldingar á heimavelli í næst síðustu umferð og í lokaumferðinni verða Haukar mótherjar ÍA á útivelli.