Aukaþing Knattspyrnusambands Íslands fer fram 2. október n.k. Á þinginu verður kosið um formann og stjórn til bráðabirgða fram að næsta knattspyrnuþingi sem haldið verður í febrúar 2022.
Eins og komið hefur fram áður sagði Guðni Bergsson formaður af sér nýverið og öll stjórn KSÍ sagði einnig af sér.
Vanda Sigurgeirsdóttir, fyrrum leikmaður ÍA, verður sjálfkjörin í embætti formanns KSÍ til bráðabirgða – en hún var sú eina sem bauð sig fram í embætti formanns.
Eftirtalin hafa boðið sig fram í stjórn KSÍ til bráðabirgða:
- Ásgrímur Helgi Einarsson (Reykjavík)
- Borghildur Sigurðardóttir (Kópavogi)
- Guðlaug Helga Sigurðardóttir (Suðurnesjabæ)
- Helga Helgadóttir (Hafnarfirði)
- Ingi Sigurðsson (Vestmannaeyjum)
- Sigfús Kárason (Reykjavík)
- Unnar Stefán Sigurðsson (Reykjanesbæ)
- Valgeir Sigurðsson (Garðabæ)
Eftirtalin hafa boðið sig fram í varastjórn KSÍ til bráðabirgða:
- Kolbeinn Kristinsson (Reykjavík)
- Margrét Ákadóttir (Akranesi)
- Þóroddur Hjaltalín (Akureyri)