Nýverið skrifuðu tíu fimleikakonur úr Fimleikafélagi ÍA undir samning við félagið.
Fimleikafélagið mun styðja við bakið á þessu efnilegu konum með ýmsum hætti – þar á meðal niðurfellingu á æfingagjöldum, útvega þeim keppnis – og æfinga fatnað.
![](https://skagafrettir.is/wp-content/uploads/2021/11/fimleikarsamningur-copy-1132x670.jpeg)
Fimleikakonurnar efnilegu leggja sitt af mörkum í þessu samkomulagi þar sem að rík áhersla er lögð að mæta á allar æfingar og gefa kost á sér í keppnir á vegum félagsins.
Þar að auki taka þær þátt í fjáröflunarverkefnum og sýningu á vegum félagsins. Þetta er í þriðja sinn sem slíkur samningur er gerður við meistaraflokk félagsins en í fyrsta sinn sem keppendur úr 1. flokki skrifa undir slíkan samning.
Framundan er skemmtileg keppnishelgi í nýja fimleikahúsinu við Vesturgötu þar sem að haustmót FSÍ í hópfimleikum fer fram.
![](http://localhost:8888/skagafrettir/wp-content/uploads/2021/11/fimleikarsamningur--1024x969.jpeg)