Akraneskaupstaður mun taka þátt í rammaútboði ríkiskaupa fyrir hönd sveitarfélaga vegna kaupa á dælubílum fyrir starfsemi slökkviliða.
Bæjarráð Akraness samþykkti á síðasta fundi ráðsins að leggja það til að bæjarstjóri vinni málið áfram.
Í fundargerð bæjarráðs kemur fram að átta sveitarfélög hafi nú þegar lýst yfir áhuga á að taka þátt í úboðinu en frestur til að falla frá þátttöku í útboðinu er til 14. febrúar næstkomandi.
Með þátttöku í útboðinu er talið mögulegt að ná fram hagstæðari verði en á almennum markaði án útboðs. Tímasetning kaupa á bifreiðinni liggur ekki fyrir en yrði annað hvort á árinu 2023 eða 2024.
Ef af verður þarf að gera ráð fyrir fjárfestingunni í fjárhagsáætlunum Akraneskaupstaðar og Hvalfjarðarsveitar.