Kári sigraði Vængi Júpiters í gær í 3. deild Íslandsmót karla í knattspyrnu.
Þetta var þriðji sigur Kára í síðustu fimm leikjum og hefur liðið þokað sér upp stigatöfluna eftir erfiða byrjun á mótinu.
![](https://skagafrettir.is/wp-content/uploads/2022/07/291605815_522782012969206_5830231745106054738_n-1132x670.jpeg)
Efri röð frá vinstri: Dino Hodzic, Hafþór Pétursson, Hilmar Halldórsson, Aron Snær Guðjónsson, Aron Ingi Kristinsson, Ingimar Elí Hlynsson, Andri Júlíusson. Neðri röð frá vinstri: Oskar Wasilewski. Fylkir Jóhansson, Arnar Már Kárason og Axel Freyr Ívarsson.
Kári situr í 6. sæti deildarinnar með 13 stig eftir 9 umferðir en það eru aðeins fimm stig í efsta lið deildarinnar, KFG.
Vængir Júpiters eru í samstarfi við Fjölni í Grafarvogi og fór leikurinn fram á gervigrasvelli Fjölnis við Egilshöll.
Fylkir Jóhannsson kom Kára yfir á 6. mínútu en aðeins tveimur mínútum síðar jöfnuðu heimamenn. Andri Júlíusson kom Kára yfir á 33. mínútu og reyndust það lokaúrslit leiksins.
![](http://localhost:8888/skagafrettir/wp-content/uploads/2022/07/Screen-Shot-2022-07-01-at-8.30.36-AM-961x1024.png)