Dýrfinna Torfadóttir, gullsmiður á Akranesi, hefur á undanförnum árum vakið athygli fyrir frumlega nálgun í skartgripagerð.
Dýrfinna heldur áfram á þeirri braut og nú hefur hún fengið Inga Steinar Gunnlaugsson, skáld og fyrrum skólastjóri á Akranesi, til liðs við sig.
Þau hafa unnið saman að áhugaverðu verkefni sem nefnist Langisandur.
Þar er um að ræða skart sem hentar fyrir öll kyn – með inngreyptum ljóðlínum frá Inga Steinari.
Dýrfinna og Ingi Steinar, verða með kynningu á þessu skarti, Langisandur, á verkstæði Dýrfinnu, Merkigerði 18 á Akranesi, föstudaginn 9. desember frá kl. 16-20.
Við þetta tækifæri verða flutt nokkur ljóð skáldsins.
Allt áhugafólk um þetta verkefni er velkomið – segir í tilkynningu frá Dýrfinnu.
