Menningarverkefnið Skaginn syngur inn jólin er langt komið en í dag var 22. glugginn opnaður og aðeins tveir flytjendur eiga því eftir að koma fram á þessu ári.
![](http://goodnews.xplodedthemes.com/news-flash/wp-content/themes/goodnews/assets/images/placeholder.jpg)
Ólafur Páll Gunnarsson og Hlédís Sveinsdóttir halda utan um verkefnið líkt og undanfarin ár.
Á hverjum degi fram að jólum er nýr gluggi opnaður í þessu tónlistardagatali sem hefur vakið mikla athygli á undanförnum árum.
Í dag var tuttugasti og fyrsti glugginn opnaður.
Söngelsk systkini sem ólust upp á Esjubrautinni á Akranesi opnuðu gluggann í dag með íslensku þjóðlagi.
Þar eru á ferðinni Halla Jónsdóttir og Ari Jónsson – sem syngja lagið Hátíð fer að höndum ein – íslenskt þjóðlag og textinn er eftir Jóhannes úr Kötlum.
Foreldrar þeirra Höllu og Ara eru Rannveig Björk Gylfadóttir og Jón Gunnar Axelsson.
![](https://skagafrettir.is/wp-content/uploads/2022/12/arioghalla.jpg)