Knattspyrnufélag ÍA hefur samið við sænskan varnarmann sem mun leika með karlaliðinu út leiktíðina.
Pontus Lindgren heitir leikmaðurinn en hann er 22 ára gamall og er samningsbundinn KR.
![](https://skagafrettir.is/wp-content/uploads/2023/04/Untitled-design-1-1132x670.png)
ÍA og KR hafa komist að samkomulagi um að hann verði lánaður til ÍA.
Lindgren mun leika í hjarta varnarinnar. Honum er ætlað að fylla það skarð sem Alex Davey skilur eftir sig – en skoski varnarmaðurinn sleit hásin í bikarleik um s.l. helgi.
Áður en Lindgren kom til KR var hann hjá sænska liðinu Norrköping en þar hafa margir leikmenn úr röðum ÍA komið við sögu – og Arnór Sigurðsson leikur með félaginu um þessar mundir.
ÍA mætir liði Keflavíkur í 32-liða úrslitum Mjólkurbikarkeppni KSÍ í kvöld en leikurinn fer fram í Reykjaneshöllinni – og verður leikurinn sýndur í beinni útsendingu á RÚV2.
Samkvæmt frétt á heimasíðu KFÍA mun Lindgren vera í leikmannahópnum gegn Keflavík en hann er komin með leikheimild með ÍA.