Skagamaðurinn Hallgrímur Ólafsson fékk Grímuna fyrir aðalhlutverkið í Íslandsklukkunni 

Sviðslistaverðlaunin Gríman voru afhent í 21. sinn við hátíðlega athöfn í Borgarleikhúsinu s.l. þriðjudag og fór viðburðurinn fram í Borgarleikhúsinu.

Skagamaðurinn Hallgrímur Ólafsson fékk verðlaun fyrir bestan leik í aðalhlutverki í Íslandsklukkunni. Alls voru veitt verðlaun í 19 flokkum á Grímunni og er listinn hér fyrir neðan:

Hallgrímur eða „Halli Melló“ var kjörinn bæjarlistamaður Akraness árið 2022. 

Hann er fæddur og uppalinn á Akranesi, hann gekk í Grundaskóla á æskuárunum og fór þaðan í FVA en var rekinn þaðan fyrir einstaka hæfileika í að eyða tíma í skipulagningu viðburða nemendafélagsins á skólatíma.

Þrátt fyrir brösótt gengi í FVA lauk hann prófi í leiklist frá listaháskóla Íslands 2007 og vann síðan með leikfélagi Akureyrar 2007-2008 og í Borgarleikhúsinu 2008-2014.

Hallgrímur hefur síðan starfað með Þjóðleikhúsinu frá árinu 2014.

Á leikferlinum hefur hann leikið í hátt í 40 leiksýningum frá útskrift en einnig í ótal sjónvarpsþáttum og bíómyndum og fengið tilnefningu til Eddunnar fyrir leik sinn í Gullregni.

Sem tónlistarmaður hefur Hallgrímur komið fram undir listamannsnafninu „Halli Melló“ og honum til heiðurs hefur Leiklistaklúbbur fjölbrautaskólans fengið nafnið „Melló“ þar sem Hallgrímur hefur margoft sinnt leikstjórn m.a. á sýningunum Draumnum, Grease, Gauragangi og fleiri sýningum.

Hallgrímur er stoltur Skagamaður og hefur alltaf verið tilbúinn að koma í sinn gamla heimabæ til að sinna ýmsum verkefnum s.s að vera viðburðastjóri Írskra daga og að koma fram við hin ýmsu tækifæri.