Nýlega lauk framkvæmdum í Garðalundi þar sem að útisvið hefur verið sett upp í skógræktarsvæði Akurnesinga.
Frá þessu er greint á vef Akraneskaupstaðar.
Svæðið hentar vel sem útikennslusvæði fyrir leik – og grunnskólanemendur – sem og fyrir leiksýningar, tónleika og ýmislegt annað.
Hugmyndin að framkvæmdinni kemur úr íbúasamráðinu Okkar Akranes.
Sviðið í Garðalundi er ein af fimm hugmyndum sem fékk brautargengi í þeirri kosningu.
Ása Katrín Bjarnadóttir skipulagshönnuður lagði grunninn að hönnun og útliti svæðisins. Egill Gíslason, smiður, sá um framkvæmdina.
