Um áramótin mun Ingunn Sveinsdóttir taka við stöðu skólastjóra í Garðaseli en þá lætur Ingunn Ríkharðsdóttir af störfum vegna aldurs.
Þetta kemur fram í frétt á heimasíðu skólans og þar segir:
![](https://skagafrettir.is/wp-content/uploads/2023/11/406006342_7605476656129150_5413204073386258225_n-1132x670.jpg)
„Ingunn Sveinsdóttir hefur verið aðstoðarskólastjóri og sérkennslustjóri frá árinu 1999 og þekkir skólann og starfsemi hans því afar vel. Garðasel verður þvi í góðum höndum og óskum við Ingunni velfarnaðar í starfi.“
Leikskólinn Garðasel tók til starfa þann 1. september árið 1991.
Fyrsti leikskólastjórinn í Garðaseli var Brynja Helgadóttir en Ingunn Ríkharðsdóttir hefur verið starfandi skólastjóri frá árinu 1999.
Í byrjun ársins 2023 flutti Garðasel í nýtt og glæsilegt húsnæði við Asparskóga þar sem að sex deildir eru starfræktar.