Íbúum á Akranesi fjölgar jafnt og þétt – og eftirspurn eftir leikskólaplássum fer vaxandi samhliða íbúafjölgun.
Þrátt fyrir að nýr leikskóli hafi verið byggður við Asparskóga þarf að bæta við leikskólaplássum á næstu misserum.
Á síðasta fundi bæjarráðs Akraness var samþykkt að ráðist verði í útboð á tveimur kennslustofum – sem staðsettar verða við leikskólann Teigasel.
Í bókun ráðsins kemur fram að kostnaði verði mætt innan gildandi fjárfestingaráætlunar vegna ársins 2024.
Skipulagsfulltrúa hefur verið falið að hefja ferlið fyrir byggingu tveggja leikskólastofa á lóð Teigasels.
Á Akranesi eru alls fjórir leikskólar.
Akrasel – sex deilda leikskóli.
Garðasel – sex deilda leikskóli.
Teigasel – þriggja deilda leikskóli.
Vallarsel – sex deilda leikskóli.
