Forvarnadagur fyrir nemendur í Fjölbrautaskóla Vesturlands Akranesi, FVA, fór fram þann 9. apríl.
Að deginum stóðu Framhaldsskóli Vesturlands (FVA), Slökkvilið Akraness og Hvalfjarðarsveitar, Neyðarlínan 112, Lögreglan á Vesturlandi, Heilbrigðisstofnun Vesturlands og Samgöngustofa.
Þar fluttu fulltrúar frá Samgöngustofu og lögreglunni á Vesturlandi erindi fyrir nemendur um þá áhættuþætti sem snúa að ungum ökumönnum.
Að þeim loknum fengu nemendur að heyra dæmi um 1-1-2 símtal tengt umferðarslysi og í kjölfarið var sviðsett umferðarslys þar sem nemendur fengu að fylgjast með starfi viðbragðsaðila á vettvangi viðkomandi slyss.
Bjarklind Björk Gunnarsdóttir hjá Samgöngustofu segir að reynslan sýni að slíkir dagar hafi mikil áhrif á umferðaröryggi ungs fólks.
„Hér fá þau að heyra og sjá afleiðingar umferðarslysa og fá að kynnast hvað þau geta gert til að draga úr líkum á slysum. Auk þess er skemmtilegt að brjóta upp hversdagsleikann með degi sem þessum og ekki er verra ef dagurinn endar á grilluðum pylsum,“ segir Bjarklind.
