Menningarhátíðin Vökudagar fara fram á Akranesi dagana 24. október til 3. nóvember 2024. Hátíðin fór fyrst fram árið 2002 og er hátíðin í ár sú 24. í röðinni.
Vökudagar hafa farið vaxandi ár hvert.
Að hátíðinni stendur hópur listafólks og menningarunnenda frá Akranesi sem í samstarfi við Akraneskaupstað skapa öfluga og fjölskrúðuga viðburði þar sem fjölbreytt listform og menning fá að njóta sín.
Það ættu öll að finna eitthvað við sitt hæfi og í tilkynningu frá skipuleggjendum hátíðarinnar eru íbúar á Akranesi og gestir hvattir til að taka þátt.
