Valdís Þóra Jónsdóttir, kylfingur úr Leyni, var í kvöld kjörinn íþróttamaður ársins á Akranesi 2016. Þetta er í fimmta sinn sem Valdís Þóra er efst í þessu kjöri en hún varð fjórum sinnum í röð íþróttamaður ársins á Akranesi á árunum 2007-2010. Sundmaðurinn Ágúst Júlíusson varð annar í kjörinu og Einar Örn Guðnason kraftlyftingamaður varð þriðji.
Frábært að fá svona góðar fréttir tvívegis á sama deginum
„Þetta var góður endir á deginum og ég er mjög stolt að fá þessa viðurkenningu. Það er langt síðan ég varð efst í þessu kjöri en ég hef verið á meðal þriggja efstu á undanförnum árum en það er skemmtilegra að fá stóra titilinn,“ sagði Valdís Þóra við skagafrettir.is í kvöld. Fyrr í dag fékk hún góð skilaboð frá LET Evrópumótaröðinni, sterkustu atvinnumótaröð Evrópu í kvennaflokkii. „Ég fékk keppnisrétt á fyrsta mótið á LET Evrópumótaröðinni sem fram fer í Ástralíu í byrjun febrúar. Það voru mikil gleðitíðindi og ég hef undirbúning fyrir það mót eftir fríið sem ég er í þessa dagana. Þetta var góður dagur og frábært að fá svona góðar fréttir tvívegis á sama deginum,“ sagði Valdís Þóra en hún er aðeins þriðja konan frá Íslandi sem nær að komast inn á þessa sterku mótaröð í atvinnugolfinu.
Alls hafa konur verið kjörnar 20 sinnum en karlar í 22 skipti. Sundíþróttin er með 21 titlil á þessu sviði en golfíþróttin er með 9 titla og er í þriðja sæti á eftir knattspyrnunni sem er með 10 titla.
Sundkonurnar Ragnheiður Runólfsdóttir og Kolbrún Ýr Kristjánsdóttir hafa oftast fengið þessa viðurkenningu eða sex sinnum hvor. Þar á eftir kemur kylfingurinn Valdís Þóra Jónsdóttir með fimm titla.
Íþróttamenn Akraness frá upphafi:
2016: Valdís Þóra Jónsdóttir, (5) golf (9).
2015: Ágúst Júlíusson, (2) sund (21)
2014: Ágúst Júlíusson, (1) sund (20).
2013: Jakob Svavar Sigurðsson, (1) hestamennska (1).
2012: Inga Elín Cryer, (2) sund (19).
2011: Inga Elín Cryer, (1) sund (18).
2010: Valdís Þóra Jónsdóttir, (4) golf (8).
2009: Valdís Þóra Jónsdóttir, (3)golf (7).
2008: Valdís Þóra Jónsdóttir, (2) golf (6).
2007: Valdís Þóra Jónsdóttir, (1) golf (5).
2006: Eydís Líndal Finnbogadóttir, (1) karate.
2005: Pálmi Haraldsson, (1 knattspyrna (10).
2004: Kolbrún Ýr Kristjánsdóttir, (6)sund (17).
2003: Kolbrún Ýr Kristjánsdóttir, (5) sund (16).
2002: Kolbrún Ýr Kristjánsdóttir, (4) sund (15).
2001: Kolbrún Ýr Kristjánsdóttir, (3) sund (14).
2000: Birgir Leifur Hafþórsson, (3) golf (4).
1999: Kolbrún Ýr Kristjánsdóttir, (2) sund (13).
1998: Kolbrún Ýr Kristjánsdóttir, (1) sund (12).
1997: Þórður Emil Ólafsson, (1) golf (3).
1996: Birgir Leifur Hafþórsson, (2) golf (2).
1995: Sigurður Jónsson, (2) knattspyrna (9).
1994: Sigursteinn Gíslason, (1) knattspyrna (8).
1993: Sigurður Jónsson, (1) knattspyrna (7).
1992: Birgir Leifur Hafþórsson, (1) golf (1).
1991: Ragnheiður Runólfsdóttir, (6) sund (11), (Íþróttamaður ársins á Íslandi).
1990: Ragnheiður Runólfsdóttir, (5) sund (10).
1989: Ragnheiður Runólfsdóttir, (4) sund (9).
1988: Ragnheiður Runólfsdóttir, (3) sund (8).
1987: Ólafur Þórðarson, (1) knattspyrna (6).
1986: Ragnheiður Runólfsdóttir, (2) sund (7).
1985: Ragnheiður Runólfsdóttir, (1) sund (6).
1984: Bjarni Sigurðsson, (1) knattspyrna (5).
1983: Sigurður Lárusson, (1) knattspyrna (4).
1982: Ingi Þór Jónsson, (2) sund (5).
1981: Ingólfur Gissurarson, (2) sund (4).
1980: Ingi Þór Jónsson, (1) sund (3).
1979: Ingólfur Gissurarson, (1) sund (2).
1978: Karl Þórðarson, (1) knattspyrna (3).
1977: Jóhannes Guðjónsson, (1) badminton (1) / knattspyrna (2).
1972: Guðjón Guðmundsson, (1) sund (1), (Íþróttamaður ársins á Íslandi).
1965: Ríkharður Jónsson, (1) knattspyrna (1).
