Það var fjölbreytt hátíðardagskrá á Akranesi í dag á 17. júní, þjóðhátíðardags Íslands. Skagamenn fjölmenntu á Akratorgið þar sem að Fjallkona Akurnesinga,Helga Sjöfn Jóhannesdóttir, flutti ljóð Davíðs Stefnánssonar Ættjörð, Háskólaljóð II (Úr útsæ rísa Íslandsfjöll).
Karlarnir í Kirkjukór Akraneskirkju fluttu nokkur lög, Örn Arnarsson flutti hátíðarræðu sem í þessu tilfelli fjallaði um hamingjuna og hæfileikaríkt ungt tónlistarfólk, fimleikafólk og dansarar stigu á svið. Dagskrá lauk með heimsókn Númenórs og Dóru sem komu alla leið frá Fjarskalandi og skemmtu börnunum.
![](https://skagafrettir.is/wp-content/uploads/2017/06/fjallkonan2017-1-792x670.jpg)
Hér fyrir neðan má sjá upptöku frá ræðu Helgu Sjafnar sem Sigurjón T. Jósefsson tók upp.