Arnór og Tryggvi valdir í U21 árs landsliðið

Skagamennirnir Arnór Sigurðsson og Tryggvi Hrafn Haraldsson eru báðir í U21 ár landslið Íslands í knattspyrnu sem leikur gegn Norður Írlandi og Írlandi 22. og 26. mars næstkomandi.

Arnór og Tryggvi leika báðir með liðum í efstu deild í Svíþjóð. Arnór er hjá Norrköping og Tryggvi Hrafn er hjá Halmstad.

Leikurinn gegn Írlandi fer fram á Tallaght vellinum 22. mars og er um að ræða vináttuleik.

Leikurinn gegn Norður Írlandi fer fram á The Showgrounds 26. mars, en hann er liður í undankeppni EM 2019.

Írland og Ísland hafa mæst tvisvar áður og hefur Ísland unnið báða leikina 1-0.

Norður Írland og Ísland hafa mæst sex sinnum. Ísland hefur unnið fjóra leiki, Norður Írland einn og einn leikur hefur endaði með jafntefli. Stærsti sigur Íslands á Norður Írum var einmitt á Showgrounds vellinum og fór hann 6-2.

Mörkin skoruðu Alfreð Finnbogason, Aron Einar Gunnarsson, Bjarni Þór Viðarsson, Jóhann Berg Guðmundsson og Rúrik Gíslason.