Allar líkur eru á því að settar verði upp öryggismyndavélar eða bílnúmeramyndavélar við innkomur í Akraneskaupstað. Lögreglan á Vesturlandi lagði fram slíkt erindi á fundi bæjarráðs Akraness nýverið.
Bæjarráð tók jákvætt í erindið og úrvinnsla málsins er nú í höndum bæjarstjóra Akraness.
Málið verður unnið í samvinnu við sveitastjórana í Borgarbyggð og Hvalfjarðarsveit.
Í fundargerð bæjarráðs er rætt um að setja upp eitthvað sem kallast bílnúmeramyndavél.
Nýjustu eftirlitsmyndavélarnar sem eru á markaðinum bjóða upp á háskerpu í myndefni. Sé tilgangur t.d. að ná bílnúmerum eða öðrum smáatriðum þarf að velja myndavélar sem eru sérstaklega ætlaðar fyrir slíkt.