Skagamaðurinn Andri Snær Axelsson keppti í síðustu viku fyrir Ísland á ólympíuleikunum í stærðfræði. Ólympíuleikarnir í ár voru þeir 59. í röðinni og voru þeir haldnir í Rúmeníu. Í keppninni tóku þátt yfir 600 stærðfræðingar á framhaldsskólaaldri.
Elvar Wang Atlason, liðsfélagi Andra Snæs, fékk bronsverðlaun á mótinu. Íslendingur hlaut síðast bronsverðlaun árið 2014, en Íslendingar hafa alls hlotið 11 bronsverðlaun og ein silfurverðlaun frá upphafi þátttöku.
![](https://skagafrettir.is/wp-content/uploads/2018/07/1060382-1132x670.jpg)
Andri Snær er nemandi í MR en hann er sonur Axels Gústafssonar og Kristínar Halldórsdóttur sem eru búsett á Akranesi.
Andri Snær þrætti þröngt nálarauga til þess að komast í ólympíuliðið. Alls tóku 324 nemendur af öllu landinu í forkeppninni hér á landi. Rúmlega 40 komust í úrslit og var Andri Snær einn þeirra. Hann keppti síðan ásamt 17 öðrum íslenskum keppendum í Norrænni stærðfræðikeppni þann 9. apríl s.l.
Árangur hans var það góður í þeirri keppni að Andri Snær komst í Ólympíulið Íslands.
![](http://localhost:8888/skagafrettir/wp-content/uploads/2018/07/30728219_2182668158426369_8049389292528599040_n-1132x670.jpg)
http://localhost:8888/skagafrettir/2018/04/16/andri-snaer-reiknadi-sig-inn-i-olympiulid-islands/
Auglýsing