Auglýsing
Skagalíf er nýr upplýsingavefur fyrir íbúa á Akranesi og alla þá sem vilja heimsækja Akranes.
Á Akranesi er fjölbreytt menningar og frístundastarf og er markmið með þessum vef að koma á einn aðgengilegan stað öllu því sem er í boði á Akranesi, frá frístundastarfi og námskeiðum að menningu og listum.![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMTMyIiBoZWlnaHQ9IjY3MCIgdmlld0JveD0iMCAwIDExMzIgNjcwIj48cmVjdCB3aWR0aD0iMTAwJSIgaGVpZ2h0PSIxMDAlIiBzdHlsZT0iZmlsbDojY2ZkNGRiO2ZpbGwtb3BhY2l0eTogMC4xOyIvPjwvc3ZnPg==)
![](https://skagafrettir.is/wp-content/uploads/2018/11/Screen-Shot-2018-11-23-at-8.45.00-AM-1132x670.png)
Fenginn var styrkur frá þróunarsjóði skóla- og frístundasviðs í uppsetningu á þessum nýja vef. Vefurinn er hannaður af fyrirtækinu Stefnu ehf. og fór hann í loftið þann 12. október 2018. Vakin er athygli á því að vefurinn er enn í þróun og munu upplýsingar bætast jafn og þétt við næstu mánuði.
Á vefnum er hægt að skrá inn viðburði sem birtast í viðburðadagatali um leið og þeir hafa verið samþykktir inn. Dagatalið er samtengt við heimasíðu Akraneskaupstaðar (www.akranes.is) og birtist viðburðinn þar einnig.
Vefnum er skipt upp í þrjá flokka, í fyrsta lagi tómstundir en undir því má finna upplýsingar um frístundir og námskeið, í öðru lagi menningu en undir því má finna upplýsingar um hátíðir, listir og söfn og í þriðja lagi útivist en undir því má finna upplýsingar og göngu- og hjólaleiðir, leikvelli og útivistarsvæði.
Umsjónaraðilar vefs:
Ella María Gunnarsdóttir forstöðumaður menningar- og safnamála
Friðbjörg Eyrún Sigvaldadóttir verkefnastjóri á skóla- og frístundasviði
Heiðrún Janusdóttir verkefnastjóri æskulýðs- og forvarnarmála
Lúðvík Gunnarsson deildarstjóri æskulýðs- og forvarnarmála
Sædís Alexía Sigurmundsdóttir verkefnastjóri á stjórnsýslu- og fjármálasviði
Hægt er að senda inn fyrirspurnir á netfangið [email protected] með tilvísun í þennan vef.
Auglýsing