Fjóla Guðmundsdóttir og Árni Þór Traustason hafa á undanförnum misserum gjörbreytt ásýnd einbýlishússins Sólbakka sem stendur við Akursbraut 17.
Framtak þeirra hefur vakið mikla athygli og margir sem hafa staldrað við húsið og virt fyrir sér breytingarnar.
![](https://skagafrettir.is/wp-content/uploads/2019/10/IMG-3852-1132x670.jpg)
Framkvæmdirnar standa enn yfir en eru að mestu lokið að innan en utanhúss á enn eftir að gera einhverjar endubætur.
Fjóla og Árni Þór tóku í dag við Hvatningarverðlaunum frá Akraneskaupstað þegar Umhverfisviðurkenningar fyrir árið 2019 voru afhentar í Bókasafni Akranesss.
Í mati nefndarinnar segir m.a.
„Sólbakki – stórfelld endurnýjun á húsi sem er áberandi í götumynd við höfnina og á sér ríka sögu.“
Dómnefndina skipuðu þau Helena Guttormsdóttir lektor LbhÍ, Sindri Birgisson umhverfisstjóri og Ása Katrín Bjarnadóttir Bs. nemi í umhverfisskipulagi.
Nefndin fór í vettvangsferðir í lok sumars/byrjun hausts og tóku út tilnefningar. Þau unnu m.a. með fagurfræði, fjölbreytileika, samtal við almenningsrými, og vöktu í víðum skilningi athygli á atriðum sem skipta uppbyggingu og framtíð bæjarins máli.