Skagamaðurinn Stefán Teitur Þórðarson fær sitt fyrsta A-landsliðsverkefni með karlalandsliði Íslands í knattspyrnu á næstunni.
Stefán Teitur, sem er fæddur árið 1998, hefur verið kallaður inn í 23-manna landsliðshóp Íslands sem mætir El Salvador og Kanada í janúar.
![](https://skagafrettir.is/wp-content/uploads/2020/01/Screen-Shot-2020-01-08-at-10.28.25-PM-1132x670.png)
Stefán Teitur kemur inn í hópinn í stað hins þaulreynda Emils Hallfreðssonar sem getur ekki tekið þátt í verkefninu – þar sem hann samdi nýverið við lið á Ítalíu.
Tveir leikmenn úr liði ÍA verða því í landsliðshópnum í janúar en Tryggvi Hrafn Haraldsson er einnig í hópnum.
Eins og áður segir hefur Stefán Teitur ekki verið í A-landsliðshóp Íslands áður. Stefán Teitur hefur verið fastamaður í U-21 árs landsliði Íslands að undanförnu og leikið alls 12 leiki og skorað 1 mark.