Keppnislið Fjölbrautaskóla Vesturlands í spurningakeppninni Gettu betur hefur lokið keppni á þessu tímabili.
FVA keppti í 16-liða úrslitum í gær gegn Borgarholtsskóla.
![](https://skagafrettir.is/wp-content/uploads/2020/01/82120931_2455872371202353_8624939301311873024_n-1132x670-1-1132x670.jpg)
Keppnin var spennandi en endaði með 21-16 sigri FVA.
Guðmundur Þór Hannesson, Amalía Sif Jessen og Karl Ívar Alfreðsson skipuðu keppnislið FVA í ár líkt og í fyrra.
Alls eru 7 skólar komnir í átta liða úrslit en úrslitin eru hér fyrir neðan.
![](http://localhost:8888/skagafrettir/wp-content/uploads/2020/01/82892618_2472498119539778_7043737363188547584_n.jpg)
Borgarholtsskóli – Fjölbrautaskóli Vesturlands Akranesi 21-16
Menntaskólinn við Hamrahlíð – Kvennaskólinn í Reykjavík 18-24
Menntaskólinn á Akureyri – Tækniskólinn 15-19
Fjölbrautaskólinn í Breiðholti – Menntaskólinn í Reykjavík 11-29
Framhaldsskólinn í Austur-Skaftafellssýslu – Fjölbrautaskólinn í Garðabæ 12-21
Þetta er í fyrsta skipti í sögunni sem Tækniskólinn kemst í átta liða úrslit keppninnar í sjónvarpinu.
Verkmenntaskóli Austurlands, Verslunarskólinn og Fjölbrautaskólinn við Ármúla voru áður komnir áfram, en 16-liða úrslitunum er ekki lokið því enn á eftir að endurtaka keppni MÍ og VA sem ákveðið var að gera vegna mistaka. Það verður gert við fyrsta tækifæri og að henni lokinni verður dregið í átta liða úrslit.