Íslandsmeistaramótaröðin í klifuríþróttinni fór af stað í dag í Klifurhúsinu í Reykjavík. Keppendur úr ÍA náðu góðum árangri á þessu móti sem er það fyrsta af alls fjórum á Íslandsmeistaramótaröðinni. Á undanförnum misserum hefur iðkendum í klifuríþróttinni á Akranesi fjölgað mikið og var keppnishópur ÍA á þessu móti í B-C flokki sá fjölmennasti frá upphafi.
Leiðasmiðir lögðu upp með fjölbreyttar leiðir, sem einkenndust af erfiðum samhæfingar hreyfingum og jafnvægi. Leiðirnar voru allar í erfiðari kantinum og máttu klifrarar hafa sig alla við, lítið mátti út af bregða og því voru taugar og vöðvar þandir til hins ítrasta.
![](https://skagafrettir.is/wp-content/uploads/2021/03/20210320_132312-1132x670.jpg)
Í C-flokki stúlkna hreinsuðu ÍA stúlkur borðið og röðuðu sér í þrjú efstu sætin. Þórkatla Þyrí sigraði með sex toppa og sjö bónusa, Ester Guðrún hafnaði í öðru með fimm toppa og sex bónusa, og Beníta Líf stal því þriðja með þrjá toppa og fimm bónusa.
Í B-flokki stúlkna hafnaði Sylvía Þórðardóttir í öðru sæti á eftir Ásthildi Elfu en báðar hlutu þær fjóra toppa og sex bónusa en Sylvía þurfti þremur tilraunum fleiri til að ná bónus, ellefu tilraunir á mót átta frá Ásthildi. Í þriðja sæti hafnaði Hekla Petronella með fjóra toppa og fimm bónusa.
Skagastrákarnir náðu sér ekki almennilega á flug á þessu fyrsta móti ársins en bestu árangri þeirra náði Rúnar Sigurðsson en hann tók sjötta sæti í B-flokki drengja.
![](http://localhost:8888/skagafrettir/wp-content/uploads/2021/03/1-1-1024x678.jpg)
![](http://localhost:8888/skagafrettir/wp-content/uploads/2021/03/2-674x1024.jpg)
![](http://localhost:8888/skagafrettir/wp-content/uploads/2021/03/3-681x1024.jpg)
![](http://localhost:8888/skagafrettir/wp-content/uploads/2021/03/4-674x1024.jpg)
![](http://localhost:8888/skagafrettir/wp-content/uploads/2021/03/5-674x1024.jpg)
![](http://localhost:8888/skagafrettir/wp-content/uploads/2021/03/6-681x1024.jpg)
![](http://localhost:8888/skagafrettir/wp-content/uploads/2021/03/7-1024x678.jpg)
![](http://localhost:8888/skagafrettir/wp-content/uploads/2021/03/8-1024x678.jpg)
![](http://localhost:8888/skagafrettir/wp-content/uploads/2021/03/20210320_131324-1024x485.jpg)
![](http://localhost:8888/skagafrettir/wp-content/uploads/2021/03/20210320_132312-1024x485.jpg)