Um þessar mundir stendur yfir niðurrif á húsi við Kirkjubraut sem var eitt sterkasta kennileiti Akraness á árum áður og var einnig vinsæll samkomustaður unglinga á Akranesi á árum áður.
Fólksbílastöðin eða „Fóló“ var miðpunkturinn í lífi margra. Húsið var tekið í notkun á sjötta áratug síðustu aldar
Í húsinu voru leigubílstjórar með aðstöðu til margra ára, þar var einnig dæmigerð íslensk sælgætisverslun eða sjoppa og samhliða var eldsneytissala og þjónusta tengd bifreiðum.
Á undanförnum áratugum hefur ýmis rekstur verið í húsinu en húsið hefur staðið autt undanfarin ár.
Framundan er uppbygging á þessum byggingareit – en fjölbýlishús verður byggt á þessum stað og á jarðhæðinni er gert ráð fyrir rými fyrir verslun – eða þjónustu.
