Um 90 keppendur tóku þátt á öðru opna móti tímabilsins hjá Golfklúbbnum Leyni, Opna Bónusmótinu, sem fram fór á Garðavelli laugardaginn 16. maí. Keppt var í punktakeppni með forgjöf og einnig voru veitt verðlaun fyrir besta skorið.
Íslandsmeistarinn í golfi 2020, Borgnesingurinn Bjarki Pétursson, lék á besta skorinu eða 69 höggum eða þremur höggum undir pari líkt og Eyjamaðurinn Lárus Garðar Long. Bjarki var með betra skor á síðari 9 holunum og endaði því í efsta sæti.
![](https://skagafrettir.is/wp-content/uploads/2020/12/Gardavöllur-Akranes-Leynir6-1-1132x670.jpg)
Skorkortið hjá Bjarka var skrautlegt eins og sjá má en hann lék fyrstu fimm holur vallarins á fjórum höggum yfir pari. Hann setti heldur betur í gírinn og lék síðustu 13 holurnar á 7 höggum undir pari vallar.
![](http://localhost:8888/skagafrettir/wp-content/uploads/2021/05/Screen-Shot-2021-05-17-at-12.04.03-AM-1024x194.png)
Í punktakeppninni sigraði Vilhjálmur Birgisson eftir afar harða keppni en þrír leikmenn voru á sama punktafjölda. Verkalýðsformaðurinn á Akranesi var með fleiri punkta á seinni 9 holunum og náði þar með efsta sætinu. Veitt voru verðlaun fyrir að vera næstu holu í upphafshöggi á par 3 holum vallarains.
- Vilhjálmur Birgisson, 41 punktur (betri á seinni 9)
- Elísabet Valdimarsdóttir, 41 punktur (betri á síðustu 6)
- Jón Karl Kristján Traustason, 41 punktur
![](http://localhost:8888/skagafrettir/wp-content/uploads/2021/05/Screen-Shot-2021-05-17-at-12.10.33-AM-1024x703.png)
Nándarmælingar:
Hola 3 – Arnar Guðmundsson 1.16 m
Hola 8 – Hjörtur Hjartarson 3,89 m.
Hola 14 – Birkir Hrafn Vilhjálmsson 2,79 m.
Hola 18 – Guðlaugur Kristinsson 2,31 m.