[sam_zone id=1]

ÍA þáði boð um að taka sæti í næst efstu deild karla í körfunni


Körfuknattleikslið ÍA í meistaraflokki karla fór óvænt upp um deild um s.l. helgi þegar ljóst var að Reynir úr Sandgerði ætlar ekki að senda lið til keppni í næst efstu deild.

Hið unga og efnilega lið ÍA endaði í 2. sæti í 2. deild karla á síðustu leiktíð og fékk ÍA boð um að þiggja sæti í næst efstu deild.

Í tilkynningu frá Körfuknattleikssambandi Íslands kemur eftirfarandi fram:

„ÍA hefur þekkst boð um að taka það sæti sem Reynir S. lét frá sér í 1. deild karla á komandi leiktíð. ÍA tekur við öllum leikjum Reynis, hvort sem er heima- eða útileikjum, á þeim dögum sem áður var áætlað að leikir Reynis færu fram.“

Það verða því áhugaverðir leikir í vetur í íþróttahúsinu við Vesturgötu í vetur en alls eru 10 lið sem taka þátt í 1. deildinni vetur.

Skallagrímur
Fjölnir
Höttur
ÍA
Haukar
Sindri
Hamar
Álftanes
Selfoss
Hrunamenn