Þrír leikmenn úr röðum ÍA valdir í æfingahóp U-19 ára landsliðs karla

Þrír leikmenn úr röðum Knattspyrnufélags ÍA eru í æfingahóp U-19 ára landsliðs Íslands sem mun æfa saman dagana 8.-10. nóvember 2021.

U-19 ára liðið mun leika í undankeppni EM 2022 næsta vor en þjálfari liðsins er Ólafur Ingi Skúlason.

Leikmenn ÍA sem valdir eru í hópinn eru Guðmundur Tyrfingsson, Hrafn Hallgrímsson og Ingi Þór Sigurðsson.

Flestir leikmenn koma úr liði Stjörnunnar eða 6 alls og ÍA er ásamt þremur öðrum félagsliðum með 3 leikmenn í hópnum.

Alls eru 26 leikmenn í hópnum og koma þeir frá 12 mismundandi félögum.