Alls greindust 267 innanlands með Covid-19 smit í gær og 51 til viðbótar á landamærunum.
Rúmlega ellefu og hálf prósent þeirra sem fóru í sýnatöku greindust jákvæðir. Nýgengi innanlandssmita hefur aldrei verið hærra en nú.
![](https://skagafrettir.is/wp-content/uploads/2021/10/Akranes-loftmyndir-2021-8-1132x670.jpeg)
Fjöldi innanlandssmita er heldur lægri en í fyrradag þegar metfjöldi smita greindist innanlands. Hlutfall þeirra sem voru í sóttkví við greiningu er um 41 prósent sem er svipað og seinustu daga. Í gær voru tekin rúmlega 4.800 sýni.
Staðan á Vesturlandi er svipuð og undanfarnar daga. Alls eru 45 í einangrun á Vesturlandi og þar af 26 á Akranesi. Alls eru 80 í sóttkví í landshlutanum og þar af 55 á Akranesi. Hér fyrir neðan eru tölur frá Lögreglunni á Vesturlandi.
![](http://localhost:8888/skagafrettir/wp-content/uploads/2021/12/269757071_2225623384253823_4477304682068207870_n.png)
![](http://localhost:8888/skagafrettir/wp-content/uploads/2021/12/269840174_2224739307675564_1123992889887991910_n.png)
![](http://localhost:8888/skagafrettir/wp-content/uploads/2021/12/269718009_2224059481076880_1747135407844048630_n.png)