Snæbjörn Gíslason fagnar 104 ára afmæli sínu í dag en hann fagnar deginum með afmælisköku og kaffi á Dvalarheimilinu Höfða þar sem hann er búsettur. Snæbjörn er elstur núlifandi íslenskra karla.
Snæbjörn er fæddur á Litla-Lambhaga í Skilmannahreppi 22. febrúar 1918, sonur Gísla Gíslasonar bónda og kennara og Þóru Sigurðardóttur.
![](https://skagafrettir.is/wp-content/uploads/2022/02/snaebjörn-1132x670.jpg)
Hann átti sjö systkini sem sum hafa náð háum aldri. Kristín systir hans náði 100 ára aldri, Elísa varð 96 ára og Þórður 97 ára.
Snæbjörn giftist ekki og á ekki börn, en systkinabörn hans fylgjast með honum.
Snæbjörn starfaði við byggingavinnu en var lengstan sinn starfsaldur í fiskvinnslu hjá HB&Co.
Síðastliðin 8 ár hefur Snæbjörn búið á Hjúkrunarheimilinu Höfða á Akranesi.
Það eru ekki margir íslendingar sem hafa lifað jafnmarga stórviðburði á ævi sinni.
Snæbjörn er fæddur frostaveturinn mikla, nokkrum mánuðum áður en Ísland fær fullllveldi.
Hann hefur lifað tvær heimsstyrjaldir svo ekki sé talað um allar þær miklu breytingar á lifnaðarháttum íslendinga á þessum 104 árum.
Í tilkynningu frá Höfða kemur fram að Snæbjörn fagnar deginum með afmælisköku og kaffi, og hver veit nema nokkrir gestir líti við í dag. Starfsfólk Höfða vill senda honum innilegar hamingjuóskir í tilefni dagsins.
![](http://localhost:8888/skagafrettir/wp-content/uploads/2022/02/snaebjörn.jpeg)
Snæbjörn er elstur núlifandi íslenskra karla en myndin var tekin í morgun 22.02.2022.
![](http://localhost:8888/skagafrettir/wp-content/uploads/2022/02/haraldarhús-.jpeg)
en Snæbjörn var á þessum tíma 47 ára. Ljósm. Haraldarhús.