Miðbæjarsamtökin Akratorg boða til íbúafundar í Tónbergi í Tónlistaskóla Akraness miðvikudaginn 4. maí og hefst fundurinn kl. 20.00. Fundurinn er opinn fyrir alla þá sem hafa áhuga og er yfirskrift fundarins – Miðbærinn okkar og stjórnmálin.
Hlédís Sveinsdóttir er fundarstjóri og hér fyrir neðan má sjá hvaða mál verða efst á baugi á fundinum.
![](https://skagafrettir.is/wp-content/uploads/2019/11/17JuniAkratorg1-1132x637.jpg)
Ólafur Páll Gunnarsson formaður Miðbæjarsamtakanna Akratorgs mun opna fundinn og kynna samtökin. Páll Jakob Líndal, doktor í umhverfissálfræði verður með erindi á fundinum.
Oddvitar þeirra flokka sem bjóða fram lista í bæjarstjórnarkosningunum 2022 mæta á fundinn í pallborðsumræður – sem Bjarnheiður Hallsdóttir mun stýra.
![](http://localhost:8888/skagafrettir/wp-content/uploads/2022/05/279448796_143475741569646_6266768361544517876_n-1024x594.jpeg)