Bæjarráð Akraness samþykkti nýverið að ganga frá samningi við fyrirtækið Landamerki ehf. um rekstur rekstur tjaldsvæðisins í Kalmansvík. Samningurinn er til tveggja ára og tekur gildi þann 1. júní á þessu ári og rennur út í lok apríl árið 2024.
Landamerki ehf. sér um rekstur fjölda tjaldsvæða víðsvegar um landið. Þar má nefna Vestmannaeyjar, Fjarðarbyggð, Skagaströnd, Hellu, Þorlákshöfn, Stokkseyri, Borgarnesi, Varmalandi, Dalvík, Seyðisfirði og Eldborg (Laugagerðisskóla).
![](https://skagafrettir.is/wp-content/uploads/2021/10/Akranes-loftmyndir-2021-11-1132x670.jpeg)
Tjaldsvæðið við Kalmansvík á Akranesi nýtur mikilla vinsælda og á undanförnum vikum hafa fjölmargir gestir nýtt sér frábæra aðstöðu sem þar er að finna.