Þrjú tilboð bárust í strætisvagnaþjónustu á Akranesi fram til ársins 2029



Þrjú tilboð bárust í strætisvagnaþjónustu Akraneskaupstaðar fyrir tímabilið 2022-2029 eða næstu átta ár.

Kostnaðaráætlun Akraneskaupstaðar fyrir innanbæjarþjónustuna var 300 milljónir kr. eða 37,5 milljónir kr. á ári.

Hópferðabílar Reynis Jóhannssonar buðu rúmlega 307 milljónir kr. í verkið, Skagaverk bauð tæplega 318 milljónir kr. og Vestfirskar ævintýraferðir buðu hæst eða rúmlega 467 milljónir kr.

Skipulags- og umhverfisráð Akraness samþykkti á síðasta fundi ráðasin að leitað verði samninga við lægstbjóðanda.