Haukur Andri Haraldsson var hetja Skagamanna í dag þegar hann tryggði liðinu 2-1 sigur gegn ÍBV í Bestu deild karla í knattspyrnu.
Haukur Andri, sem er fæddur árið 2005, skoraði sigurmarkið á 88. mínútu. Áður hafði Kristian Lindberg komið ÍA yfir á 32. mínútu og Andri Bjarnason jafnaði metin fyrir ÍBV strax á fyrstu mínútu síðari hálfleiks.
![](https://skagafrettir.is/wp-content/uploads/2022/08/0H5A3056-1132x670.jpg)
Sigurmarkið hjá Hauki var sögulegt þar sem að hann batt enda á lengstu taphrinu ÍA frá upphafi í efstu deild karla.
Þetta var annar sigur ÍA á tímabilinu en liðið hafði ekki unnið leik í 119 daga eða frá 24. apríl 2022. Til að setja þann tíma í samhengi þá eru það rúmlega 10 milljón sekúndur, rúmlega 170 þúsund mínútur, rúmlega 2800 klukkustundir, 17 vikur og 32% af árinu 2022.
Smelltu hér fyrir myndasafn frá leiknum
![](http://localhost:8888/skagafrettir/wp-content/uploads/2022/08/0H5A3056-1024x683.jpg)
![](http://localhost:8888/skagafrettir/wp-content/uploads/2022/08/Screen-Shot-2022-08-21-at-8.26.30-PM-960x1024.png)