Á næstu mánuðum verða fjórar byggingar sem eru í eigu Akraneskaupstaðar rifnar niður og fjarlægðar.
Stefnt er að því að eitt hús til viðbótar verði einnig rifið og fjarlægt – svo framarlega sem að samkomulag náist við ríkið um rif á því húsi.
![](https://skagafrettir.is/wp-content/uploads/2021/10/Akranes-loftmyndir-2021-9-1132x670.jpeg)
Þetta kemur fram í fundargerð skipulags – og umhverfisráðs Akraness.
Á síðasta fundi ráðsins voru útboðsgögn vegna niðurrifs á
Suðurgötu 108, Suðurgötu 124, Dalbraut 8 og Dalbraut 10 samþykkt.
Öll þessi hús eru talin ónýt – m.a.. vegna loftgæðavandamála.
Suðurgata 108 var um langan tíma húsnæði sem AA samtökin voru með sína starfsemi og ljósmyndaklúbburinn Vitinn.
Höfuðustöðvar Veitna á Akranesi voru áður við Dalbraut 10 – sem á sínum tíma var húsnæði Rafveitu Akraness.
Fjöliðjan á Akranesi var með starfsemi sína í húsinu við Dalbraut 8.
Einnig stendur til að rífa húsið við Vesturgötu 62 – sem er í eigu ríkisins. Það hús var á sínum tíma íþróttahús, kennslustofa fyrir smíðar og nú síðast var Búkolla með nytjamarkað í því húsi.
![](https://skagafrettir.is/wp-content/uploads/2022/11/Screenshot-2022-11-15-at-1.20.03-PM-1200x827.png)
![](https://skagafrettir.is/wp-content/uploads/2022/11/Screenshot-2022-11-15-at-1.20.29-PM-1200x1200.png)
![](https://skagafrettir.is/wp-content/uploads/2022/11/Screenshot-2022-11-15-at-1.21.30-PM-1200x599.png)
![](https://skagafrettir.is/wp-content/uploads/2022/11/Screenshot-2022-11-15-at-1.18.57-PM-1200x575.png)