Aðalfundur Golfklúbbsins Leynis 2022 fór fram þann 24. nóvember í frístundamiðstöðinni Garðavöllum. Oddur Pétur Ottesen var endurkjörinn sem formaður Leynis – en hann var sá eini sem gaf kost á sér.
Að auki var kosið um tvö sæti aðalmanna í stjórn klúbbsins og gáfu fjórir kost á sér.
![](https://skagafrettir.is/wp-content/uploads/2022/12/stjorn-1080x670.jpeg)
Frá vinstri: Ella María Gunnarsdóttir, Hróðmar Halldórsson, Óli Þór Jónsson, Oddur Pétur Ottesen formaður, Ísak Örn Elvarsson og Freydís Bjarnadóttir.
Þetta er í fyrsta sinn í sögu klúbbsins sem slík kosning fer fram – eftir því sem best er vitað.
Hörður Kári Jóhannesson, sem hefur verið í stjórn Leynis um árabil gaf ekki kost á sér en Heimir Bergmann, gjaldkeri klúbbsins, gaf kost á sér til endurkjörs
Í framboði auk Heimis voru þau: Elísabet Valdimarsdóttir, Freydís Bjarnadóttir og Ísak Örn Elvarsson.
Alls greiddu 65 félagar atkvæði og voru engir auðir eða ógildir seðlar. Niðurstaða kosninga var eftirfarandi:
• Elísabet Valdimarsdóttir 28 atkvæði eða 43%
• Freydís Bjarnadóttir 46 atkvæði eða 71%
• Heimir Bergmann 21 atkvæði 32%
• Ísak Örn Elvarsson 35 atkvæði eða 54%
Aðalmenn í stjórn voru kjörnir: Freydís Bjarnadóttir og Ísak Elvarsson.
Stjórn Leynis er því þannig skipuð:
Oddur Pétur Ottesen, formaður, Óli Björgvin Jónsson, Ella María Gunnarsdóttir, Freydís Bjarnadóttir, Ísak Örn Elvarsson og Hróðmar Halldórsson er varamaður í stjórninni.