Skaginn syngur inn jólin 2022 – ljúfir tónar úr Borgarfirði í aðalhlutverki í 13. glugganum

Menningarverkefnið Skaginn syngur inn jólin fór af stað með látum þetta árið.  Ólafur Páll Gunnarsson og Hlédís Sveinsdóttir halda utan um verkefnið líkt og undanfarin ár. 

Á hverjum degi fram að jólum verður nýr gluggi opnaður í þessu tónlistardagatali sem hefur vakið mikla athygli á undanförnum árum.

Í dag var þrettándi glugginn opnaður.

Þar eru feðgin í aðalhlutverki en þau hafa bæði lagt sitt af mörkum í tónlistarmenningunni á Akranesi í gegnum tíðina.  

Guðríður Ringsted og faðir hennar Gunnar Ringsted flytja hér lagið Jólagjöfin. Textinn er eftir Sverri Pálsson og lagið er eftir Gustav Holst og Cristina Rossetti.