Menningarverkefnið Skaginn syngur inn jólin er langt komið en í dag var 20. glugginn opnaður og aðeins fjórir flytjendur eiga því eftir að koma fram á þessu ári.
Ólafur Páll Gunnarsson og Hlédís Sveinsdóttir halda utan um verkefnið líkt og undanfarin ár.
Á hverjum degi fram að jólum er nýr gluggi opnaður í þessu tónlistardagatali sem hefur vakið mikla athygli á undanförnum árum.
Í dag var tuttugasti glugginn opnaður.
Ung tónlistarkona frá Akranesi er í aðalhlutverki í dag – en hún samdi lagið á aðeins tveimur dögum.
Hekla María Arnardóttir, flytur hér lagið Fram yfir jól en hún á bæði lagið og textann.
