Akraneskaupstaður er um þessar mundir í stefnumótunarvinnu fyrir sveitarfélagið. Markmiðið er að móta yfirstefnu fyrir næstu 5-10 árin og setja fram metnaðarfulla sýn um árangur og aukna þjónustu til framtíðar samhliða fjárhagslegum markmiðum sveitarfélagsins og Heimsmarkmiðum Sameinuðu þjóðanna. Þetta kemur fram í tilkynningu frá Akraneskaupstað.
Vinnan felur í sér að draga fram lykil áskoranir og tækifæri, móta skýra stefnu og markmið og forgangsraða aðgerðaáætlun til að hrinda stefnu í framkvæmd.
Hluti af þessu ferli er uppbyggilegt samráð við alla hagsmunaaðila sveitarfélagsins og leitum við því til íbúa Akraness. Um er að ræða eina lauflétta könnun um draumabæinn Akranes.
![](https://skagafrettir.is/wp-content/uploads/2018/09/Loftmyndir-Akranes-Baldur-Ólafsson-2018-1-1132x670.jpg)
Hægt er að skila inn svari frá 15. til 22. febrúar næstkomandi. Vakin er athygli á því að niðurstöðurnar eru ekki persónugreinanlegar.
Hafðu áhrif á þitt samfélag og taktu þátt!