Karlalið ÍA vann góðan 2-0 sigur gegn Grindavík í Lengjubikarkeppni KSÍ í dag – en leikið var í Akraneshöllinni.
Ungir og efnilegir leikmenn úr röðum ÍA sáu um að skora mörkin. Það fyrra gerði Ármann Finnbogason og Daníel Jóhannesson skoraði síðara mark ÍA í leiknum. Þeir komu báðir inná sem varamenn í þessum leik. Ármann er 18 ára og Daníel er aðeins 15 ára gamall.
![](https://skagafrettir.is/wp-content/uploads/2023/03/0H5A0204-1132x670.jpg)
Mörkin er hægt að sjá í útsendingu ÍATV hér fyrir neðan.
Þetta var fjórði leikur ÍA í þessari keppni og er liðið með tvo sigra og tvo tapleiki. ÍA leikur næst gegn KR á útivelli þann 8. mars.
Á síðustu leiktíð náði ÍA að halda markinu hreinu í aðeins tveimur leikjum af alls 27 leikjum liðsins í Bestu deild karla – og eru það töluverð tíðindi að ÍA fái ekki á sig mark í mótsleik.
ÍA og Grindavík eiga eftir að mætast tvívegis á Íslandsmótinu á næstu leiktíð en liðin eru bæði í næst efstu deild Íslandsmótsins, Lengjudeildinni.
Liðin mætast í 1. umferð Íslandsmótsins á Akranesvelli þann 5. maí.
![](https://skagafrettir.is/wp-content/uploads/2023/03/Screenshot-2023-03-04-at-3.48.46-PM-1019x1200.png)
![](https://skagafrettir.is/wp-content/uploads/2023/03/Screenshot-2023-03-04-at-3.48.58-PM-1200x1200.png)
![](https://skagafrettir.is/wp-content/uploads/2023/03/Screenshot-2023-03-04-at-3.53.03-PM-1200x1200.png)