Haraldur verður 17. bæjarstjóri Akraness – ein kona hefur gegnt embættinu

Eins og fram kom í dag á Skagafréttum mun Haraldur Benediktsson taka við starfi bæjarstjóra á Akranesi eftir nokkrar vikur. 

Frá stofnun Akraneskaupstaðar árið 1942 hafa verið starfandi 16 bæjarstjórar – og er Regína Ásvaldsdóttir eina konan sem hefur gegnt því embætti í 80 ára sögu bæjarsins. Haraldur verður því 17. bæjarstjórinn í sögu Akraneskaupstaðar. 

 

Sævar Freyr Þráinsson, tók við starfinu þann 14. mars árið 2017 af Regínu Ásvaldsdóttur, og átti hann því sex ára starfsafmæli á síðasta bæjarstjórnarfundi sem fram fór þann 14. mars 2023.  

Gísli Gíslason er sá sem gegnt hefur þessu starfi lengst allra. Gísli var bæjarstjóri Akraness í 18 ár eða á tímabilinu 1987-2005. Björgvin Sæmundsson og Magnús Oddsson voru báðir í 8 ár í þessu embætti. Daníel Ágústínusson var í 6 ár bæjarstjóri og Sævar Freyr hefur verið í 6 ár einnig eins og áður hefur komið fram. 

 

Hér má sjá lista yfir bæjarstóra Akraness frá upphafi.

 

Arnljótur Guðmundsson (f. 29/6 1912, d. 13/1 1955).
Bæjarstjóri 1942 – 1946.

 

Guðlaugur M. Einarsson (f. 13/1 1921, d. 17/2 1977).
Bæjarstjóri 1946 – 1950.

 

Sveinn Finnsson (f. 23/11 1920, d. 7/6 1993).
Bæjarstjóri 1950 – 1954.

 

Daníel Ágústínusson (f. 18/3 1913, d. 11/4 1996).
Bæjarstjóri 1954 – 1960.

 

Hálfdán Sveinsson (f. 7/5 1907, d. 18/11 1970).
Bæjarstjóri 1960 – 1962.

 

Björgvin Sæmundsson (f. 4/3 1930, d. 20/8 1980).
Bæjarstjóri 1962 – 1970.

 

Gylfi Ísaksson (f. 7/7 1938).
Bæjarstjóri 1970 – 1974.

 

Magnús Oddsson (f. 17/11 1935, d. 11/4 2017).
Bæjarstjóri 1974 – 1982.

 

Ingimundur Sigurpálsson (f. 24/9 1951).
Bæjarstjóri 1982 – 1987.

 

Gísli Gíslason (f. 9/7 1955).
Bæjarstjóri 1987 – 2005

Guðmundur Páll Jónsson (f. 30/12 1957).
Bæjarstjóri 2005 – 2006.

Gísli Sveinbjörn Einarsson (f. 12/12 1945).
Bæjarstjóri 2006 – 2010.

Árni Múli Jónasson (f. 14/5 1959).
Bæjarstjóri 2010 – 2012

 

Jón Pálmi Pálsson (f. 27/7 1954).
Bæjarstjóri 2012 – 2012

Regína Ásvaldsdóttir (f. 30/6 1960).
Bæjarstjóri 2013 – 2017.

Sævar Freyr Þráinsson

Sævar Freyr Þráinsson (f. 16/6 1971).
Bæjarstjóri 2017 til dagsins í dag.

Haraldur Benediktsson tekur við starfi
bæjarstjóra Akraness á næstu vikum.