Bikarmeistaramót í línuklifri fór nýverið fram í Miðgarði, Garðabæ, og þar stóðu keppendur frá Klifurfélagi ÍA sig vel. Uppskeran voru tvenn gullverðlaun og ein silfurverðlaun.
Beníta Líf Palladóttir kom, sá og sigraði í B-flokki kvenna með flottri frammistöðu og tók verðskuldað gull en hún náði hæsta punkti keppenda í úrslitaleið mótsins.
Sylvía Þórðardóttir sigraði í A-flokki kvenna eftir æsispennandi keppni og hafnaði einnig í öðru sæti í Opnum flokki kvenna (fullorðinsflokki) á eftir Veru Bakker, sem sigraði flokkinn örugglega.
