Kylfingurinn Matthías Þorsteinsson sló draumahöggið á Garðavelli á Akranesi þann 30. júlí s.l. Matthías er félagsmaður í Golfklúbbnum Leyni.
Hann sló með 9-járni á 3. holu Garðavallar og fór boltinn ofaní holuna.
Matthías er þar með félagi í Einherjaklúbb Íslands.
Það geta ekki allir verið Einherjar og það sýnir tölfræðin glögglega.
Árlega eru innan við 1% kylfinga sem ná þessum áfanga eða rétt um 130 kylfingar árlega.
Samkvæmt tölfræðivef Einherjaklúbbsins er Matthías sá 30. sem fer holu í höggi á 3. holu Garðavallar.
