Fjölbreytt dagskrá á HEIMA-SKAGA 2025

HEIMA-SKAGI tónlistarhátíðin fer fram laugardaginn 25. október.  Þar koma fram 15 listamenn/hljómsveitir/atriði sem spila flest tvisvar sinnum flestir í 12 mismunandi húsum.

Eitt kvöld, 29 tónleikar í það heila í 12 húsum.

Smelltu hér fyrir miðasölu og nánari upplýsingar: 

HEIMA-SKAGI leggur áherslu á alls konar músík – Popp -rokk – rapp – jazz – soul – folk – heimstónlist – klassík – og í raun hvað sem er, ef það er áhugavert og skemmtilegt.

Það er spilað í HEIMA-húsum Skagafólks;

Vesturgata 45 (Kristján og Margrét)

Háteigur 6 (Angela og Benedikt)

Skólabraut 18 (Stefanía og Halldór)

Vesturgata 32 (Haraldarhús)

Háteigur 16 (Inga og Ketill)

Grundartún 8 (Elfa og Pálmi)

…en líka t.d í Bíóhöllinni, Í brugghúsi Bárunnar (Roð – Bárugata 21) í Akraneskirkju, og í einu af húsum fyrirtækisins KAPP (Skaginn) sem er einn af styrktaraðilum hátíðarinnar, á rakarastofu Hinna (sem er líkast til í minnsta húsi Akraness) – JÁ OG Í GAMLA ArnArdAl! (Kirkjubraut 48) Þar verða armböndin líka afhent á hátíðardag frá kl. 13.00-17.00 og þar verður ýmislegt skemmtilegt í gangi – matur og myndlist, POP-UP vinyl-markaður ofl.

HEIMA-SKAGI er einstök hátíð þar sem nándin við listafólkið er mjög mikil. Fyrsta HEIMA-SKAGA hátíðin var haldin 2019 með sex atriðum og það hefur alltaf selst upp.

Páll Óskar og Benni Hemm Hemm munu opna hátíðina á lágstemmdum nótum í kirkjunni klukkan 18.30 þar sem hátíðin verður formlega sett með stuttri athöfn.

Síðan byrja tónleikar hér og þar klukkan 19.00 og standa til c.a. 22.00

Lokatónleikar HEIMA-SKAGA verða í Bíóhöllinni og hefjast þeir kl. 22.20.  Þar verður Páll Óskar gordjöss í partígallanum auk þess sem Skaga-stór-hljómsveitin Soul Deluxe snýr aftur ásamt góðum gestum eftir Laaangt hlé.