Íslandsmót golfklúbba 2022 í kvennaflokki 50 ára og eldri fór fram á Hólmsvelli í Leiru 18.-20. ágúst. Leyniskonur gerðu sér lítið fyrir og náðu þriðja sætinu eftir sigur gegn Golfklúbbi Kópavogs – og Garðabæjar. Golfklúbbur Reykjavíkur sigraði Golfklúbbinn Keili í úrslitaleiknum.
Árangur Leyniskvenna er áhugaverður í ljósi þess að liðið sigraði í 2. deild fyrir ári síðan og var því nýliði í efstu deild kvenna í þessum aldursflokki.
Í 1. deild kvenna tóku alls 8 lið þátt.
Keppt var í tveimur riðlum og leikin ein umferð í riðlinum. Tvö efstu liðin komust í undanúrslit þar sem að efsta liðið í A-riðli lék gegn liðinu í 2. sæti í B-riðli. Efsta liðið úr B-riðli lék gegn liðinu í 2. sæti í A-riðli. Liðin sem komust ekki í undanúrslit léku um sæti 5.-8. og neðsta liðið féll í 2. deild. Einn fjórmenningsleikur og fjórir tvímenningsleikir fóru fram í hverri umferð.
Ruth Einarsdóttir, Elísabet Valdimarsdóttir, Helga Rún Guðmundsdóttir,
María Björk Sveinsdóttir, Ragnheiður Jónasdóttir, Rakel Kristjánsdóttir,
Díana Carmen Llorens, Jóna Björg Olsen.
Smelltu hér fyrir rástíma, stöðu og úrslit:
      |
|
|
|