Aðsend grein:
Ágæti kjósandi:
Kosningabarátta undanfarinna vikna bendir óneitanlega til þess að talsverðra pólitískra breytinga sé að vænta í landinu að þeim loknum. Þó kosningaloforð séu um margt óljós er þó ljóst að þeim loforðum flestum munu fylgja auknar álögur. Ef ekki á almenning þá á atvinnurekstur sem að stærstum hluta er rekinn á landsbyggðinni. Þær auknu álögur munu á endanum veikja stöðu fólks og fyrirtækja á þeim svæðum. Bætast við það óöryggi sem nú þegar ríkir í lykil atvinnugreinum vegna orkuskorts. Má þar nefna Norðvesturkjördæmi með sín iðnfyrirtæki, sjávarútvegsfyrirtæki og ekki síst Vestfirði sem á undanförnum árum hafa náð vopnum sínum.
Áðurnefndar pólitískar breytingar kalla á að pólitísk forysta Norðvesturkjördæmis sé í traustum höndum. Því skiptir miklu máli hver hlýtur kjör sem fyrsti þingmaður kjördæmisins. Að fyrsti þingmaður kjördæmisins hafi víðtæka reynslu og djúpar rætur í mannlífi, stjórnmálum og ekki síst atvinnulífi í kjördæminu. Geti leitt saman fólk úr ólíkum áttum og mótað samstætt lið þegar kemur að hagsmunum kjördæmisins.
Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.
Til þess að Ólafur nái sæti fyrsta þingmanns kjördæmisins þarf hann stuðning kjósenda í Norðvesturkjördæmis í kosningunum. Hann er í forystu vel mannaðs lista Sjálfstæðisflokksins. Kjósum öflugan leiðtoga fyrir kjördæmið okkar.
Agnar Halldór Gunnarsson, fyrrverandi oddviti Akrahrepps
Ásbjörn Óttarsson, fyrrverandi alþingismaður
Baldur Smári Einarsson, fyrrverandi bæjarfulltrúi í Bolungarvík
Björgvin Helgason, fyrrverandi oddviti sveitarstjórnar Hvalfjarðarsveitar
Daníel Jakobsson, fyrrverandi bæjarfulltrúi í Ísafjarðarbæ
Davíð Pétursson, fyrrverandi oddviti, Skorradalshreppur
Einar Kristinn Guðfinnsson, fyrrverandi forseti Alþingis
Friðbjörg Matthíasdóttir, bæjarfulltrúi í Vesturbyggð
Gísli Sigurðsson, formaður byggðarráðs Skagafjarðar
Guðmundur Haukur Jakobsson, oddviti Húnabyggðar
Haraldur Benediktsson, bæjarstjóri Akraness og fyrrverandi alþingismaður
Jósef Kjartansson, forseti bæjarstjórnar í Grundarfirði
Júníana Björg Óttarsdóttir, formaður bæjarráðs Snæfellsbæjar
Kristín Hálfdánardóttir, fyrrverandi bæjarfulltrúi í Ísafjarðarbæ
Kristinn Jónasson, bæjarstjóri Snæfellsbæjar
Líf Lárusdóttir, formaður bæjarráðs Akranesi
Ólafur Bergmann Óskarsson, fyrrverandi sveitarstjórnarfulltrúi í Húnaþingi vestra
Pétur Davíðsson, sveitarstjórnarfulltrúi Skorradalshreppur
Ragnhildur Eva Jónsdóttir, sveitarstjórnarfulltrúi í Borgarbyggð
Rakel Óskarsdóttir, fyrrverandi bæjarfulltrúi á Akranesi og fyrrverandi formaður SSV
Sigríður Finsen, fyrrverandi forseti bæjarstjórnar í Grundarfirði
Sigríður Framdalz Ólafsdóttir, sveitarstjórnarfulltrúi í Húnaþingi vestra
Sigurbjörg Ottesen, oddviti Eyja- og Miklaholtshrepps
Sigurður Guðmundsson, sveitarstjórnarfulltrúi í Borgarbyggð
Sturla Böðvarsson, fyrrverandi samgönguráðherra
Þórhildur Eyþórsdóttir, bæjarfulltrúi í Stykkishólmi
