Lokatölur hafa verið birtar í bæjarstjórnarkosningunum 2026 á Akranesi.
Kjörsókn var 69,7% en til samanburðar var kjörsóknin árið 2022 62,5%.
Alls greiddu 6.296 atkvæði í þessum kosningum.
Fimm flokkar buðu fram á Akranesi að þessu sinni og tveir flokkar koma í fyrsta sinn með bæjarfulltrúa inn í bæjarstjórn Akraness.
Atkvæðin skiptust þannig:
XD – Sjálfstæðisflokkurinn 3 bæjarfulltrúar – 33, 6%
Líf Lárusdóttir, Bjarnheiður Hallsdóttir, Guðmundur Ingþór Guðjónsson.
XB – Framsókn og frjálsir 2 bæjarfulltrúar – 23, 6%
Ragnar Baldvin Sæmundsson, Liv Aase Skarstad.
XS – Samfylkingin 2 bæjarfulltrúar – 22,3 %
Sigurður Vopni Vatnsdal, Jónína Margrét Sigmundsdóttir.
XC – Viðreisn 1 bæjarfulltrúi – 10,7 %
Jón Guðni Guðmundsson er fyrsti bæjarfulltrúinn úr röðum Viðreisnar á Akranesi.
XM – Miðflokkurinn 1 bæjarfulltrúi – 9,7 %
Hrafn Ágúst Björnsson er fyrsti bæjarfulltrúinn úr röðum Miðflokksins á Akranesi.
Fjórir af alls níu bæjarfulltrúum eru nýir í bæjarstjórn. Bjarnheiður Hallsdóttir, Sigurður Vopni Vatnsdal, Jón Guðni Guðmundsson og Hrafn Ágúst Björnsson.
Í síðustu kosningum árið 2022 voru þrír flokkar í framboði og fengu öll framboðin 3 kjörna fulltrúa. Sjálfstæðisflokkur og Samfylking mynduðu meirihluta en Framsókn – og frjálsir voru í minnihluta.
